TXATXOAREN ERRATZA

 




Liburutegian hasiera eman diogu hiruhilabeteari TXATXOAREN ERRATZAREN Ipuinarekin.

1go mailatik 4.mailara entzun duten ipuina, Txatxo batek bizitzen dituen abenturaren inguruan doa.

Txatxoa Inauteri bezperan bere jantziak probatzen ari dela erratza gainean jarri eta ezusteko handia bizi du.

Abenturak magiaz betetakoak dira baina bukaera pixkat gogorra denez, ikasleek beste bukaera batzuk asmatzen dituzte, guztiak irudimenez beteta.

 

GAUR BE EUSKARAZ

HAUR ETA GAZTE LITERATURA EZ SEXISTA

Oporretarako irakur giden bila aritu ondoren, Abanto-Zierbanako Liburutegi Irakur gida hau interesgarri iruditu zait.

Bertan, 0tik 12 urte bitarteko liburuak ageri dira. Ipuin hauetan jorratzen diren gaien artean: lanen banaketa, sexu indarkeriaren prebentzioa, familia aniztasuna, e.a.

KIMONOS eta YUMI LIBURUAK JOLASA ASMATZEKO

Oraingoan erakutsi behar dizuegu zein ondo pasatu dugun bazkal ondorengo tailerretan.

Azken astean egin dugun ekintza "Kimonoen Desfilea" izenarekin bataiatu dugu.

Yumi eta Kimonos liburutik atera dugu idea.

Yumi, egurrezko japoniar kopinari   kimono berriak diseinatu dizkiogu.

Ondoren kopina jantzi eta desfiletxo bat egin dugu. Bertan haur bakoitzak deskribatu du kopinak daraman kimonoa :koloreak , ehun motak e.a. Horretarako kopin edo Yumi bakoitza txotxongilo xume bat bihurtu dugu, nola? irudi atzean arkatz bat itsatsiaz. Oso erraza eta dibertigarria benetan .

ETXEPARE INSTITUTOAK, 10 LIBURUZ OSATUTAKO KATALOAGOA, ARGITARATU DU

Galtzagorrik, Etxepare Institutoaren laguntzarekin,  euskal Haur eta Gazte Literaturako 10  liburuz osatutako katalogo bat argitaratu  du. 

Katalogo honetan Idazle eta Ipuinaren inguruko azalpenak ematen dira, gazteleraz eta ingelesez.

GUTUNA MUNDUKO HAURRENTZAT

Haur liburuen nazioarteko Eguna dela-eta material interesgarria jasotzen ari gara. Oraingo honetan Siobhán Parkinson idazleak haurrentzako eginiko gutuna,  zuen esku jartzen dugu. Nagusioi ere,  ederto datorkigu jakitea zerez osatuta dagoen irudimena eta nola egin ipuinak idazteko.

Kartelaren ondoren Sioban Parkinsonen gutuna agertzen da, motibagarria deritzogu ipuinak eta irakurketa munduan gehiago murgiltzeko.

Bukaeran,  gutuna eta kartelaren (Niamh Sharkey) egileen bizitza eta datu interesgarriak ditugu.

AMATIÑOREN " La pelota según Miguel Gallastegi" LIBURUA OPARI

Gaur opari eder bat egin dio Malen Gesalagak liburutegiari. Bere aittitta, "Amatiñok" Migel Gallastegi pilotariaren inguruan idatzitako liburua, hain zuzen. 

Izatez, 2. mailakoek Komunikazio atalarekin lotutako gaien artean, kazetaritza landu baitute. Liburu honen aitzakiz bere aittitta eta amaren lanbidea hobeto ezagutu ahal izan dute.

Malen aittittaren liburua aurkezten

Luis Aranberri, Amatiño

La pelota según Miguel Gallastegi

Aurreko urtean,  Miguel Gallastegi pilotari handiari eskeini genion liburutegiko saio bat;  bere hitzak entzunez Ahotsa.com web gunean .

Ondorengo irudian klikatuz gero ,  berriz be,  ikusi eta entzuteko aukera izango dugu.

AHATETXO ITSUSIA

Hans Christian Andersen  idazlearen ipuin ezagunen artean AHATETXO ITSUSIA dugu.

Ondorengo bideoan entzun dezakegu historia hau.

HAUR LIBURUAREN EGUNA

Apirilaren 2an Haur Liburuaren Eguna ospatzen da. Egun hori Hans Christian Andersen omenez jarri zen, Odense (1805-04-02)- Kopenhage (1875-08-04). 

Irudi gainean klikatu ezkero Hans Christian Andersenen datu gehiago lortuko ditugu Wikipedian.

Lan ugarien artean, ezagunenak, haurrei eskeinitako ipuinak dira. Besteak beste, Berunezko Soldadutxoa, Sirenatxoa, Ahatetxo Itsusia, eta abar luze bat.

Hurrengo egunetan Liburutegiko saioetan idazle famatu honen inguruan  eta bere ipuin batzuekin arituko gara lanean.

Ondoren Berunezko Soldadutxoaren ipuina entzun dezakezue.

OLERKI EGUNA

Olerkiaren eguna denez bertso eta olerki liburuak irakurri ditugu. Ikasle batzuk olerkitxo batzuk irakurri dizkigute. Hemen dituzue euren irakurketak.

GAZTE IREKIA LEHIAKETA

Liburutegi tailerreko 5. eta 6.mailako neska mutilek GAZTE IREKIA lehiaketan parte hartu dute

Lehiaketa hau Eusko Jaurlaritzak antolatu du, gaztetxoen ideiak jakiteko. Ideiak Euskadi hobetzeko proposatzen dituzte. 

Iturburuko Lehoiak taldeak egin duen bideoa ondoren txertatu duguna da.

Bozketa publikoa denez zeuen botoa eskatzen dugu.

MANTANGORRI ALDIZKARIAN IKASLEEN LANAK

Liburutegi tailerrean eginiko lan batzuk BERRIAko MANTANGORRI aldizkarira bidali genituen

eurak kaleratzeko eskariarekin.

Denporatxo bat pasatu arren hona hemen Mantangorri orrialdeetan argitaratuta.

Artikulotxoan esaten den bezala teknika hau liburutegiko  Hatz-markak: marrazteko liburu-tik  ikasi genuen.

HEZKIDETZARAKO MATERIAL EGOKIA

IRAKURKETA OZENA : LEHIAKETA

 Bigarren mailatik gora Irakurketa Ozenaren Lehiaketa antolatu dugu.

Parte hartzea libre izango da eta aurretik izena ematea ezinbestekoa da.

Ondoko irudietan sartuz gero lehiaketan erabiliko ditugun testu batzuk agertzen dira.

Horrela etxean presta ditzakezue.

HASIERA ZIKLOKO TESTUAK

ERDI ZIKLOKO TESTUAK

GOI-ZIKLOKO TESTUAK

EUSKAL MITOLOGIA

Azken egunetan eta tailarreko talde gehienekin EUSKAL MITOLOGIAko pertsonaiak ezagutu eta margotu ditugu.

Horretarako TXIKITTO aldizkariak hainbat zenbakitan argitaratu dituen pertsonaiak erabili ditugu.

Besteak beste Lamia, Tartalo, Basajauna, Olentzero, Galtxagorria, Jentila, Mari eta Zezengorria.

XAKEKO TXAPELDUNAK

Gaur banatu ditugu aurten Xake Txapelketako sariak.

Goi Zikloko irabazleak: IKER MARFULL eta ARKAITZ ZAMAKOLA

Erdi-Zikloko irabazleak: KALAKA GONZALEZ eta MARKEL SIMON.

Zorionak lauroi

Markel txapelduna oroigarriarekin

AHOTSAK.COM WIKIPEDIAN

Benetan berri ona heldu zaigu gaurkoan. Dagoeneko AHOTSAK.COM wikipedian aurki dezakegu.

Gure hizkuntza eta kulturaren ondarea, hain erabilia den entziklopegia librean, agertzen da.

ASTERIX ETA OBELIX KOMIKIAK

Urtero bezala, komiki bati ematen diogu aztertzeko denporalditxo bat . Aurten, Asterix eta Obelix zan dira aukeratuak. Historia eta pertsonaia hauen inguruan zerbait jakin dugu eta gozatu dugu ere bai.

ARTIKULU INTERESGARRIA GURASO ETA IRAKASLEENTZAT

Ez da lehen aldia Eroskik Consumer  aldizkaritik artikulo bat txertatzen dugula gure blogean.

Oraingo honetan lantzen duen gaia,  irakaslee eta gurasoek duen eragina ikasleen motibazioaren,  inguruan doa.

Interesgarria iruditu zaidanez hona hemen erderaz bakarrik datorren artikuloa.

ITURBURUKO 4. XAKE TXAPELKETA

 Abian da, jada, Iturburuko 4. Xake Txapelketa.

Aurrekoak urtetan bezala Liburutegian ospatzen den ekitaldia da.

3. mailatik gora izena ematen duten arteko lehia izango da.

Jolas orduetan egingo dira partidak

Animatu zaitezte!!

OPORREN ONDOREN, GAUR BE EUSKARAZ

Opor bueltan euskaraz disfrutatzen dugu hainbat ekintza egiten.

Irudietan adibide batzuk.

IRAKURKETA GIDAK

GIPUZKOAKO ESKOLA LIBURUTEGIKO  kolektiboak urtean zehar hainbat irakur gida egiten du.Oraingo honetan Gabonak datozela eta aukeraketa bat aurkezten du.

 Bertan proposatzen diren liburuak adinka daude. Aholku moduan erabil ditzakezu, baina arrakastatsuak  direla jakin ezazu.

AMETS ARZALLUS TXAPELDUN

EUSKARAREN EGUNA IKASTOLAN

EUSKAL PRODUKTOEN KATALOGOA

Gabonak laister datozela eta, sasoi berezia izaten da opariak egiteko. Ondorengo webgunean euskal liburu, DVD, joku eta material asko aurki dezakezu.

Euskal materialaren  berri izateko balio digu  edo  erosketak on-line egiteko.

http://www.katalogoa.org/produktuak/liburuak/

SAN ANDRES EGUNA ITURBURUN

Ondorengo irudietan argi ikusten da zein egun ederra igaro genuen San Andres bezperan.

Goizean goiz 6, 5 eta 4. mailakoek neska-mutilek taloak egin zituzten .

Bitartean, txikitxuagoak azoka ikusteko astixa izan zuten.

Poliki-poliki guraso, eta aitxitxa-amamak hurbiltzen hasi ziren gurekin 

jaixa ospatzera.

Bi zatitan eginiko jaialdixan jende ugari batu zen Eibarko antzinako abestiak entzuteko prest.

Bukaeran Jainagatarren doinuaz dantzan ere aritu ginen.

Arratsaldean, berriz, jolasak egiteko ordua izan zen, ondoren sanblasa eta erroskilak denontzat.

Egun  ederra bizi izan genuen lan handiari bukaera emateko.

EUSKARAREN NAZIONARTEKO EGUNA

PAUL AGIRRE , BERTSO PAPER LEHIAKETAN IRABAZLE

Urtero ...EtaKitto Elkarteak antolatzen duen San Andres Bertso Paper Lehiaketan,  Ikastolak parte hartzen du . 

Aurtengo edizioan Paul Agirre izan da saritua,  bideotxo honetan  jarri dugu bere bertsoa abesten.

Bigarren saria La Salleko Jule Gisasolak lortu du. Zorionak biei.

"EIBARTAR EKINTZAILEAK GURE KALEETAN" BAITA ERE IKASTOLAN

Erdi eta Goi-Zikloko ikasleek parte hartuko dute Udalak ,  ...etaKitto eta Udal Liburutegiak martxan jarri duten Eibartar Ekintzaleen Lehiaketan. Hiru astetan iraungo duen ekintza honetan , astero pertsonai garrantzitsu baten inguruko 2 galdera egingo dira. Erantzunak Udal liburutegian prest dagoen kutxan sartu beharko dituzte.

Aste honetan BITTOR SARASKETAren bizitzari buruzko bi galdera dira.

Erantzun egokiak topatzeko EGO-IBARRAKO dokumentoetara jo dezakegu, han agertzen baitira Eibar inguruko historia eta azalpen ugari.

MAGIA HAMABOSTALDI HONETAN

Gure apaletan liburu berri hau  dugula aprobetxatuz, magiari eskaini diogu azken hamabostaldiko ekintzak eta tailerrak.

Magia trukurik onenak izeneko liburua Ttarttalo argitaletxetik etorri zaigu.

Truku ezberdinak argazkiz eta testu laburrez azalduta.

Liburuaren aurkezpena ederra eta erakargarria da.

LIBURU BAT: NOLA GOZATU DUGUN !!

Zein ondo pasatu duten 2. mailako ikasleek liburu honen orriak irakurri eta ondorioak ikusten.

Benetan liburu interaktibo honek jakinmina sortu du txikitxoengan.

Lehen irakurleentzako oso liburu aproposa da , atsegina egiten zaielako. Ulermena lantzeko era erraza du.

Taldeka irakurri dugu eta neska-mutilek ikusten zuten orriz-orri gertatzen zena.

Irakurtzen ez dakitenek ere erabil dezakete,  irakurle batek ematen dizkien  aginduak betetzeko balio du

 eta. 

KALIGRAFIA LEHIAKETA

Gaur Kaligrafia lehiaketari hasiera eman diogu. Jolastorduetan egiteko antolatu dugu lehiaketa xume hau.

Nahi duenak parte har dezake. Mailaka egingo dugu, (2. mailatik gora)

Olerki edo bertsoa kopiatu beharko dute  txukun, argi eta akatsik gabe, jakina.

Epaileak, ere,  ikasleak izango dira.

GAZTAÑERRE OSPATZEN IKASTOLAN

Aretoan denon artean abestu dugun bezala,  "Aintzinatikan datorkigu" Gaztañerre ohitura,  ospatu dugu Iturburun ere bai.

Urtero egin arren, gaztainak jateko gogoa ez dugu galdu. Horrela egun honetan jaialditxo bat egiten dugu aretoan gaztainak jan ondoren eta, bide batez,  Euskaraz Biziko kanpainari bukaera ematen diogu.

Aretoan 1go eta 2. mailakoek "Errekin errekina"

gogoz eta indartsu abestu dute euren gaztainondoa  gaztainaz beteta erakutsi ondoren.

Ondoren beste maila guztiak ere, aste osoko kanpainan,  margoturiko zuhaitzaagertu dute.

Ekitaldia bukatzeko "Gaztainerre eguna" bertsoa abestu dugu .