ITURBURUKO LIBURUTEGIA

ARGAZKILARITZA 6.MAILAN

Lau aste daramatzagu 6. mailakoekin argazkien inguruan frogak egiten.

Horretarako gai batzuk jartzen genituen eta ikasleek, euren mugikorrekin, argazkiak atera behar zituzten

Gai desberdinak erabili ditugu.

IRAKURTZEN

URDINA

EIBAR

Oso gustora pasatu dugunez hurrengo astean argazkilaritza sakontzen jarraituko dugu.

Argazki lehiaketarekin jarraituta gaurkoan "Txakurra" gaia erabili dugu. Bidalitako argazkiei izenburu bat jarri behar zioten, argazkiari indar gehiago emateko.

Argazki irabazlea Nerea Antxia eta Maria Taboadak bidalia izan da.

Gu pozik, haiek irriparrez

Datorren astean bukaera emango diogu aurtengo Liburutegi Tailerrari . Argazki berria bidali beharra izango dute ikasleek. Gaia: " Libre" izango da.

LIBURUTEGIAREN BALORAZIOAREN EMAITZAK

Ikasturtea amaitzear dagoenez ikasleei eskatu nien liburutegiaren balorapena egitea, hurrengo urtean gauzak hobetu ditzagun.

Formularioa 3. mailatik 6. mailara bete dute. Ikasleen % 80 ikasle inguru erantzun du galdetegia. Hauek dira agertu diren emaitzen laburpenak.

Ikus ezazu galdetegiaren emaitza, argazkian klikatuz

Aurreko irudian ikasleen proposamenak agertzen dira, guzti horiek liburutegia hobetzeko izango da.

Eskerrik asko

IPURTERRE 2015

Ipurterre 2015. edizioak atzoko ekitaldiarekin bukatutzat eman zen.

Bertan, 4. mailako Joanes Lazarobasterrek jaso zuen saria. " Valerioren erlojua" izeneko lana bidali zuen Joanesek lehiaketara.

Bere gelakideekin magoarean magiaz eta humoreaz gozatu zuten.

Ondoren Joaneses ipuin ederra irakurtzeko moduan duzue.

Txikittxo aldizkarian irabazle guztien lanak irakurri ahal izan ditugu.

Ondorengo taulan irabazle guztien izenak, ZORIONAK !! denei.

ZETARREN METAMORFOSIA

Aurreko sarrera baten Anfibioen metamorfosia agertu genuen bezala, oraingoan Tximeleten metamorfosia ikusiko dugu liburutegian.

Horretarako Zeta ehuna egiteko tximeleta espezien arraultzak oparitu dizkigute.

Arraultza horietatik irtetzen diren harrei Morera Zuhaitzen hostoak jarriko dizkiegu eta nola aldatzen diren ikusiko ditugu.

Begiratu natura ispirazio iturri izanda zelako pelikula polita asmatu duten Disney zinema egileak.

KOMIKIAK: TINTINEN ABENTURAK

Liburutegian urtero, komikietako pertsonaia edo egileari eskeintzen diogu hamabostaldi bat.

Aurten, berriz ere, hain arrakastatsu den TINTIN (Hergé) dakargu gure gelara.

Hasieran Pelikula honen zatitxo bat ikusiko dugu, eta ondoren ......

liburuetako komikietara pasatuko gara.

ANFIBIOEN METAMORFOSIA: ZAPABURUTIK IGELERA

Anfibioen metamorfosia Lehen Hezkuntza ikasten den prozesu bat da.

Naturan ematen den mirari hau, liburuetan ikastea baino errealitatean ikustea askoz ere baliogarriagoa da, zalantzarik gabe.

Asier Sarasuak bere etxekoekin egin duen esperientzia aprobetxatzen dut blogera igotzeko.

Beheko irudi gainean klikatuz gero Asierren lana ikus dezakegu.

Asier Sarasuaren bideoa

BOZ GORAN IRAKURTZEN

Liburutegian gehienetan isilean irakurri arren, egun hauetan Pako Izagirreren testuak eta eredua jarraituta, boz goran irakurtzen ari gara 3. mailatik gora.

Pako Izagirrek hainbat ipuin eta bideo batuta ditu eta gure lanean bere materiala sarritan erabiltzeko ohitura dugu.

Bideoen artean boz goran irakurtzeko eredu batzuk ematen dizkigu. Bertan erakusten digu nola ahoskatu, entonazioaren eta azentoarena garrantzia. Jolas eran erabiltzen ditugu bere testuak. Horrela ikasi eta ondo pasatzen ahalegintzen gara.

LIBURUAREN EGUNA

Hasiera eman diogu Liburuaren Egunari.

Atzo 6. mailakoek Tailerrean eginiko ARGAZKI RAILLYarekin Collage hauek egin ditugu.

Goizean ikasle, irakasle eta langile guztiak irakurtzen aritu gara geletatik kanpo, musika lagun genuela.

Ikus itzazue argazki batzuk.

Liburuaren egunaren inguruko ekintzen artean, Iturburuko zelaixan irakurtzea izan da.

Zein gustora irakurri dugun zegoen giro epelarekin.

IKASLEAK BLOGARI

Gaur 6. mailako Jon Alonsok eta Hamza Houggak sortutako bloga erakutsi nahi dizuet.

Bertan eurak eginiko errezetak ikusten dira. Lan polita egin dutena gazte hauek, blogari eta sukaldari bihurtuta daude dagoeneko.

ARRATEKO GERRA ZIBILAREN INTERPRETAZIO ZENTROA

Arraten Gerra Zibilaren Interpretazio Zentroa ireki berri da .

Hori dela eta gure neska-mutilei azaldu nahi diegu Historiaren zati hura.

5. eta 6. mailek liburutegiko saioetan ikusiko dute, @ahotsak eginiko bideo, gaia ulerkorragoa izateko.

UDABERRIA EIBARREN: LEHIAKETA

Oporretan egon arren jolas bat proposatzen dizuet. Egun hauetan, azkenean , udaberria ageri da bazter guztietatik. Hirian ere sasoi hau era ederrean nabaritzen da.

Lehiaketatxo bat proposatzen dizuet, asmatzen baduzue Eibarko zein tokitan atera ditudan argazki bakoitza, mesedez bidali ohar bat.

Nola egin?

Hiru argazki egon arren aukeratu nahi duzuna eta toki horren izena idatzi.

Bidali erantzuna azpian agertzen den korreo ikur bitartez.

Ez ahaztu zure izen-abizenak ipintzen.

Ondoren, irabazlea zozketa bitartez aukeratuko dugu ikastolan.

OKARAN ARBOLA

GEREZIONDOAK

MAGNOLIOA

GOSARI OSASUNGARRIA

5. mailakoek gaur Iturburun gosaldu dute, GOSARI OSASUNGARRI kanpana barruan.

Aurretik azaldu zitzaien otordu honen garrantzia eta osasuntsu izan dadin zerez osatuta izan behar duen

Ikastolan prestatu zaien gosariaren osagaiak hauek izan dira:

Esnekia

Sagarra

Urdaiazpiko egosia

Ogia

Oliba olioa

BERNARDO ATXAGA

Hamobostaldi honetan Bernardo Atxaga izan da gurekin, ez pertsonaz, baina bai bere haur literaturaren bitartez.

Ondoren azalduko ditugu irakurri ditugun liburu batzuk:

XOLAren BILDUMA

BAMBULOren BILDUMA

Baina arrakastatsuenak Astakiloren Bildumako liburuak izan dira. Istorio horien bideoak ere ikusi dituzte maila guztietako ikasleek.

EIBARKO ARMA eta INDUSTRIA MUSEOARI BISITA

6. mailako neska-mutilak bisita interesgarria egin dute gaur goizean

Arma eta Industria Museoari.

Eibar herriak, museoaren bitartez, asko erakusteko daukala konturatu dira gaztetxoak.

Burua landu ondoren hankak landu behar izan dituzte, oinez igo baitira Iturburura.

KORRIKA EIBARREN eta IKASTOLAN

Ondo pasatu genuen atzo ere bai Ikastolan. Korrika gure herrian pasatu behar zenez,

Euskaraz Biziko kanpainaren bukaera egin genuen.

Gela bakoitzean EH mapan Korrikaren ibilaldia markatu zuten, euskaraz egin ezkero, etapak kolorez adierazten zituzten.

Horrela gela bakoitzak bere mapa erakutsi zuen Aretoan eginiko jaialdian.

Arratsaldez berriz, Korrikaren petoak soinean jantzi eta han jeitsi ginen

"Iturburutik Eibarrera

abia dadin korrika"
Korrika Txikian parte hartzera. Aldatzekoen eskutik hartu genuen lekukoa Aldapatxon. Handik, Toribio Etxeberriatik Birjinapeko eskailerak igo Bizikleta Plazan bukatzeko.

Ondoren KORRIKAko lekukoa hartzeko Maixu Jesus Mari Barrenetxea eta andereño Edurne Arrizabalaga prest zeuden Bidebarrieta bukaeran. Bertan ikastolako irakasle, haur eta nagusi elkartu ginen giro ederrean korrikaren zain. Mogeleko Guraso Elkartekoen eskutik jaso genuen lekukoa.

BESTE ERREALITATE BAT EZAGUTZEN

"Binta y la gran idea" izeneko bideoa ekartzen dugu gaur gure blogera.

Pelikulak gure gizartea eta Afrikakoa konparatzen, hainbat gauza pentsa arazten digu.

Binta neskatoaren hitzen bitartez hango errealitatea eta pentsamoldeak erakusten dizkigu.

Pelikula alaia, baikorra eta koloretsu hau Izaskun Mazari esker ezagutu dut.

TXARTELTXO INTERESGARRIAK

Hezkuntzako blog ezberdinak irakurtzen aritu naiz eta txarteltxo interesgarri hauek aurkitu ditut. Lantzen dituen gaien artean emozioak, guraso eta seme-alaben arteko harremana, janariarekiko ikuspegia...

Adierazgarriak iruditu zaizkidanez gure blogean txertatzen ditut. "Actividades para Educación Infantil" izeneko blogetik hartu ditut.

Eman begirada bat.