ITURBURUKO LIBURUTEGIA

BOZ GORAN IRAKURTZEN

Liburutegian gehienetan isilean irakurri arren, egun hauetan Pako Izagirreren testuak eta eredua jarraituta, boz goran irakurtzen ari gara 3. mailatik gora.

Pako Izagirrek hainbat ipuin eta bideo batuta ditu eta gure lanean bere materiala sarritan erabiltzeko ohitura dugu.

Bideoen artean boz goran irakurtzeko eredu batzuk ematen dizkigu. Bertan erakusten digu nola ahoskatu, entonazioaren eta azentoarena garrantzia. Jolas eran erabiltzen ditugu bere testuak. Horrela ikasi eta ondo pasatzen ahalegintzen gara.

LIBURUAREN EGUNA

Hasiera eman diogu Liburuaren Egunari.

Atzo 6. mailakoek Tailerrean eginiko ARGAZKI RAILLYarekin Collage hauek egin ditugu.

Goizean ikasle, irakasle eta langile guztiak irakurtzen aritu gara geletatik kanpo, musika lagun genuela.

Ikus itzazue argazki batzuk.

Liburuaren egunaren inguruko ekintzen artean, Iturburuko zelaixan irakurtzea izan da.

Zein gustora irakurri dugun zegoen giro epelarekin.

IKASLEAK BLOGARI

Gaur 6. mailako Jon Alonsok eta Hamza Houggak sortutako bloga erakutsi nahi dizuet.

Bertan eurak eginiko errezetak ikusten dira. Lan polita egin dutena gazte hauek, blogari eta sukaldari bihurtuta daude dagoeneko.

ARRATEKO GERRA ZIBILAREN INTERPRETAZIO ZENTROA

Arraten Gerra Zibilaren Interpretazio Zentroa ireki berri da .

Hori dela eta gure neska-mutilei azaldu nahi diegu Historiaren zati hura.

5. eta 6. mailek liburutegiko saioetan ikusiko dute, @ahotsak eginiko bideo, gaia ulerkorragoa izateko.

UDABERRIA EIBARREN: LEHIAKETA

Oporretan egon arren jolas bat proposatzen dizuet. Egun hauetan, azkenean , udaberria ageri da bazter guztietatik. Hirian ere sasoi hau era ederrean nabaritzen da.

Lehiaketatxo bat proposatzen dizuet, asmatzen baduzue Eibarko zein tokitan atera ditudan argazki bakoitza, mesedez bidali ohar bat.

Nola egin?

Hiru argazki egon arren aukeratu nahi duzuna eta toki horren izena idatzi.

Bidali erantzuna azpian agertzen den korreo ikur bitartez.

Ez ahaztu zure izen-abizenak ipintzen.

Ondoren, irabazlea zozketa bitartez aukeratuko dugu ikastolan.

OKARAN ARBOLA

GEREZIONDOAK

MAGNOLIOA

GOSARI OSASUNGARRIA

5. mailakoek gaur Iturburun gosaldu dute, GOSARI OSASUNGARRI kanpana barruan.

Aurretik azaldu zitzaien otordu honen garrantzia eta osasuntsu izan dadin zerez osatuta izan behar duen

Ikastolan prestatu zaien gosariaren osagaiak hauek izan dira:

Esnekia

Sagarra

Urdaiazpiko egosia

Ogia

Oliba olioa

BERNARDO ATXAGA

Hamobostaldi honetan Bernardo Atxaga izan da gurekin, ez pertsonaz, baina bai bere haur literaturaren bitartez.

Ondoren azalduko ditugu irakurri ditugun liburu batzuk:

XOLAren BILDUMA

BAMBULOren BILDUMA

Baina arrakastatsuenak Astakiloren Bildumako liburuak izan dira. Istorio horien bideoak ere ikusi dituzte maila guztietako ikasleek.

EIBARKO ARMA eta INDUSTRIA MUSEOARI BISITA

6. mailako neska-mutilak bisita interesgarria egin dute gaur goizean

Arma eta Industria Museoari.

Eibar herriak, museoaren bitartez, asko erakusteko daukala konturatu dira gaztetxoak.

Burua landu ondoren hankak landu behar izan dituzte, oinez igo baitira Iturburura.

KORRIKA EIBARREN eta IKASTOLAN

Ondo pasatu genuen atzo ere bai Ikastolan. Korrika gure herrian pasatu behar zenez,

Euskaraz Biziko kanpainaren bukaera egin genuen.

Gela bakoitzean EH mapan Korrikaren ibilaldia markatu zuten, euskaraz egin ezkero, etapak kolorez adierazten zituzten.

Horrela gela bakoitzak bere mapa erakutsi zuen Aretoan eginiko jaialdian.

Arratsaldez berriz, Korrikaren petoak soinean jantzi eta han jeitsi ginen

"Iturburutik Eibarrera

abia dadin korrika"
Korrika Txikian parte hartzera. Aldatzekoen eskutik hartu genuen lekukoa Aldapatxon. Handik, Toribio Etxeberriatik Birjinapeko eskailerak igo Bizikleta Plazan bukatzeko.

Ondoren KORRIKAko lekukoa hartzeko Maixu Jesus Mari Barrenetxea eta andereño Edurne Arrizabalaga prest zeuden Bidebarrieta bukaeran. Bertan ikastolako irakasle, haur eta nagusi elkartu ginen giro ederrean korrikaren zain. Mogeleko Guraso Elkartekoen eskutik jaso genuen lekukoa.

BESTE ERREALITATE BAT EZAGUTZEN

"Binta y la gran idea" izeneko bideoa ekartzen dugu gaur gure blogera.

Pelikulak gure gizartea eta Afrikakoa konparatzen, hainbat gauza pentsa arazten digu.

Binta neskatoaren hitzen bitartez hango errealitatea eta pentsamoldeak erakusten dizkigu.

Pelikula alaia, baikorra eta koloretsu hau Izaskun Mazari esker ezagutu dut.

TXARTELTXO INTERESGARRIAK

Hezkuntzako blog ezberdinak irakurtzen aritu naiz eta txarteltxo interesgarri hauek aurkitu ditut. Lantzen dituen gaien artean emozioak, guraso eta seme-alaben arteko harremana, janariarekiko ikuspegia...

Adierazgarriak iruditu zaizkidanez gure blogean txertatzen ditut. "Actividades para Educación Infantil" izeneko blogetik hartu ditut.

Eman begirada bat.

ELKAR ILUSTRAZIO ETA IPUIN LEHIAKETA

Liburutegi tailerrean parte hartzen dugu Elkar argitaletxeak martxan jarri duen lehiaketan.

3. eta 4. mailakoek ipuin bat entzun ondoren, marrazki bat egiten dute. Aurtengo ipuina, J.M. Olaizola "Txiliku" ren SENDAGAIA da.

5. eta 6. mailakoek berriz Joseba Beramendiren "EXPRAI" izeneko ilustrazioaren inguruan ipuin bat asmatuko dute.

EMAKUMEAREN EGUNERAKO HORMIRUDIA

Hambabostaldi honetan emakumearen egunari eskeini diogu liburutegiko saioak.

Karrajuan ikasleen eskuekin eginiko eskulantxoez osatu dugu hormirudi hau.

Bertan emakume eta gizonen etxeko lana orekatua izan dadila eskatzen dugu.

Neska-mutil bakoitzak bere zeregina markatzen du, horrela etxeko lana denen ardura izateko.

1go mailatik 5. mailara aritu dira euren ardurak markatzen.

Gaia girotzeko Solas Egiteko Ipuinetatik "OSO FAMILIA NORMALA" izeneko ipuina entzun dugu.

Bertan etxeko lanak familiako partaide guztien artean egiten dituzte.

"OSO FAMILIA NORMALA"-ren bideoa

6. mailakoekin, berriz, solasaldia izan dugu gaiaren inguruan.

IPUINEN EGUTEGIA

Emakumearen egunerako materiala aurkitzen ari nintzela webgune honekin topo egin dut. Material asko aurkitu dezakegu: jolasak, bideoak, ipuinak... Beheko irudian klikatuz gero egun zehatzetan gai konkreto batzuk lantzeko ipuinak ditugu; esate beterako nazioarteko emakumeen egunerako, "Oso Familia Normala" izeneko ipuina dugu.

SOLAS EGITEKO IPUINAK

ARATOSTEAK 2015

Iturburun gaur bukatzen dugu Aratosteak 2015ko kanpaina. Aretoan den denak bilduko gara aurtengo kanpainari bukaera ematera. Gela bakoitzak bere jantzia margotu eta erabilitako euskara maila koloretan ageruko dute.

Aretoan aurtengo kalejiraren irudiak ikusi ahal izango ditugu.

FAMILIA ANITZAK: IRAKURKETA GIDA

Arabako Ignacio Aldecoa Kultur Etxeak eta Arabako Eskola Liburutegiak "¡En familia! izeneko gida hau argitaratu dute. Interesgarria iruditu zaidanez gure blogera dakargu. Sarreran datozen hitzak aprobetxatuz, hona hemen aurkezpena.

Une hauetan, aldaketa bizkorrak bizitzen ari gara ia eremu guztietan; baita familian ere. Dibortzioak gero eta ugariagoak dira, familia berriak eratzen dira, lurralde urrunetako haurrak adoptatzen dira, gurasoak sexu berekoak izan daitezke... eta, gainera, egoera guzti horiek elkarri eragin ahal diote.

Gida honen asmoa da ezagutzaren bidean laguntzea. Egungo literatura aztertuz, familia aniztasunaren hamaika adibide aurkeztuko da: berregindako familiak edo familia konbinatuak, guraso bakarreko familiak, adopzioko familiak eta familia homoparentalak. Kontua ez da argitzea zein den familia eredurik onena, baizik eta aniztasunaren normaltasuna nabarmentzea, hau da, ezberdinak izan arren, antzekoak garela. Gakoa da ulertzea afektu beharrak batzen gaituela denoi eta behar hori guretzat garrantzitsuak diren pertsonekin, senideekin, ditugun erlazioen bidez estaltzen dela.

MEKANOGRAFIA SAIOAK ERDI ZIKLOAN

Gaur bukatzen dugu Erdi-Zikloan egin den mekanografia saio berezia. 3.eta 4. mailako ikasleak 4 eta 6 ordu inguru aritu dira, K-TOUCH izeneko programarekin, mekanografiako hastapenak egiten.