IPURTERRE SARIA: XXII. EDIZIOA

Ipurterre ipuin lehiaketako aurtengo edizioko irabazleak atzo jaso zuten euren oparia. Iturburuko Zoihartze Elizegik lortu du 1go zikloko ipuinen artean sariduna irtetzea. Beheko argazkietan ekitaldiaren une batzuk ikus ditzakegu , bertan irabazleak aurkitzen ditugu, gelakidez ingurututa. Parte hartze handia egon dela aipatu zuten ...etaKitto-ko arduradunek, 1000 ipuin inguru jaso baitzituzten.

Zorionak irabazle guztiei.

Ipuin sarituak irakurtzeko gogoa duzuenez, gogoratu !! TXIKITTO-ko hurrengo alean bertan izango ditugula.

NERABEAK ETA SARE SOZIALAK

Roxana Morduchowiczek hitzaldi honetan internetak eta sare sozialek duten eragina azaltzen du.

Nerabe eta gazteen izakeraz arlo hauen  eraginez hitz egiten du.
Ikuspegi baikorra agertzen du bere azalpenean.

Guraso eta irakasleentzako gomendagarria.

ARANTZA LASA HISTORIAGILEAREN BISITA

Gaur Iturburun Eibarko Arantza Lasaren bisita izan dugu.

Berak idatzitako "Historia de las Mujeres de Eibar" gaiaren inguruan aritu da 6. mailako neska-mutilekin.

Bere bizitzaren aipamen interesgarria egin digu eta zergatik idatzi zuen emakumei eskainitako liburu hau. 

Motza egin zaigu Arantzarekin izandako solasaldia.

ITURBURU INGURUKO SENDABELARRAK EZAGUTZEN

Udaberriko egun hauek  aproposak dira inguruko landaretza hobeTo ezagutzeko.

Horregatik Liburutegi Tailerrean Sendabelarrei tokitxo bat utzi nahi diegu.

Iturburu inguruko landareak ikusi eta sendabelarrak direnak batzen hasi gara.

Nekane Martiarenaren "SENDABELARRAK landareen mundua"- BERRIA- liburua  erabili dugu landareak hobeto bereizteko.

Jasotzen ditugun landareekin erakusketatxoa egingo dugu liburutegian.

Wikipediako orrialde hau "SENDABELARRAK"

oso erabilgarria denez, informazio gehiago bertatik aterako dugu.

KOMIKIEN LIBURU ERRALDOIAK

Oraingo honetan 6.C ko ikasleek aurkezten dizkigute Liburutegi tailerrean eginiko 2 liburu erraldoi.

Liburu hauetan 3. mailatik gora eginiko komikiak biltzen dira.

Argazkietan dauden ikasleek zuei aurkezten dizkizute liburu biak, azalak ere eurek eginak dira. 

Artistak benetan gazte hauek!!

LIBURUAREN EGUNA OSPATZEKO ITURBURUKO EKINTZA

Aurreko ostiralean Iturburuko guztiok parte hartu genuen ekintza polit honetan.

Argazkietan  batzuen irudiak dituzue.

ERREFUXIATUEN DRAMA IPUINEN BITARTEZ ADIERAZTEKO

Ondorengo irudian klikatu ezkero errefuxiatuek bizi duten egoera haurrei azaltzeko, 10 ipuin aurki ditzakegu.

2016ko LIBURUAREN EGUNA

Gaur  liburuaren eguna ospatuko dugu Ikastolan. 

Iazko ekintza oso gustora egin genuenez, aurten ere antzerakoa egiteko asmoa dugu.

Ikastolako pertsona bakoitza bere liburua irakurtzen arituko da ikastetxearen korredorean.

ONDO PASA!!!

HEZKUNTZAREN ALDEKO MUNDU-KANPAINA

Nazioarteko Hezkuntzaren Aldeko kanpainarekin bat etortzen garenez ekintza ezberdinak egingo ditugu gure zentroetan.

Horrela  www.cme-espana.org taldeak proposatzen eta bultzatzen dituzten ekintza eta kanpainekin bat gatoz.

Alde batetik eta agian garrantzitsuena, Hezkuntzaren beharrez  konzientzia hartzea izango da . Baita ere aldarrikatu haur eta gazte guztiek hezkuntza duin baten eskubidea dutela. Hortik aparte, gure eskoletan ematen den hezkuntza baloratzea nahiko genuke.

Ondoko bideoa gure ikasleei zabalduko diegu,  jakin dezaten beste haur eta gazteentzako eskola izatea zein zaila den.

Hezkuntzaren aldeko kanpaina barruan LIBURU EGUNA sartzea egokia iruditu zaigu. 

Horretarako apirilaren 22an ikastetxeetan denak batera liburu bat irakurtzen arituko gara.

Ikus ezazue iazko ekintza arrakastatsu honen  bideoa.

LIBURUAREN EGUNA PRESTATZEN

2015 eko Liburuaren egunaren inguruan eginiko ekintza


Apirilaren 23an, larunbatean, "Nazioarteko liburuaren eguna" ospatzen da. Urtero data honen inguruan ekintza ezanguratsu bat antolatzen dugu ikastolan. Aurten, iaz bezala, hezkuntza komunitatekoak izango gara partaideak: ikasle, irakasle eta langileak. Gure asmoa gauzatzeko pertsona bakoitzak aurrez aukeratutako liburua irakurtzeari ekingo dio gelatik kanpo, Irakurketarako giro aproposa lortzeko musika klasikoa jarriko da ikastetxean. Ekintzak 15 minutu iraungo du eta ostiral arratsaldean egingo dugu 3 ikastetxeetan (Iturburu, Argatxa eta Sansaburun).

UDAL LIBURUTEGIAREN EKIMENA: IPUINETAKO ANIMALIA BAT ADOPTA EZAZU

Apirilaren 2an  "Nazioarteko Liburuaren Eguna" ospatzeko Udal Liburutegiaren ekimena zabaldu nahi dizuegu.

Ondorengo irudian zer egin behar duzuen lehiaketan parte hartzeko kontatzen dizuegu.

Anima zaitezte!!

EMAKUMEAREN EGUNAREN INGURUAN

Emakumearen eguna hurbiltzen ari zaigu eta urtero bezala saio bereziak egingo ditugu liburutegian.

Aurten emakumeen bizimodua hobeto ezagutzeko, AHOTSAK IKASGELAN web gunea erabili dugu. Bertatik hiru bideo aukeratu ditugu antzinako ohiturak hobeto ezagutzeko.

ERRAKETISTAK

NESKAK ETA MUTILAK

NESKEN JAZKERA

Bideo hauek egokiak  dira 4. 5. eta 6. mailakoentzako.

Txikientzako, berriz, Atxia-motxia Umeen kuadernutik atera dugu emakumeen lanbideen orrialdea. Oso egokia!!!

Atxia- motxia Eibarko Umien kuadernua

Atxia-motxia kuadernoko emakumeen lanbideen jolasa.

IRAKURKETA OZENAREN ONURAK

Txileko Eskola Liburutegien Erakunduak  (CRA) eginiko bideo jartzen dut, oraingo honetan, blogean.

Bertan agertzen da zein garrantzitsua den haurrei ozenean irakurtzea. Irakasle eta gurasoentzako eskainitako aholkuak dira.

ITURBURUKO 6. XAKE TXAPELKETA

Hemen agertzen dira pozik eta irribartsu aurtengo txapeldunak.

5. mailako IBAI FERNANDEZ eta GORKA IRISARRI izan dira txapeldunak.

6.mailan berriz, ANDER ARRIZABALAGA eta MARKEL SIMON izan dira aurtengo irabazleak.

Zorionak laurontzako!!!

BEGELek 7 URTE BETETZEN DITU

ZORIONAK BEGEL!!! (GIPUZKOAKO ESKOLA LIBURUTEGIAK)

Otsailaren 12an Gipuzkoako Eskola Liburutegiko blogak 7 urte bete zituen. Benetan erabilgarria izan da guretzako bloga. Bertan jaso izan dugu informazio ugari eta gure liburutegian eta blogean erabili ere. Fernando Lenguas, Lasarte-Usurbil BHI institukoko irakaslea izan da lan hau aurrera eraman duena eta gure erreferente hainbat aldiz.
Zorionak eta eskerrak eman behar dizkiogu eta orain bezain ekimentsu jarrai dezala espero.

HAURREI ETA NERABEEI TRATU ONAK

AVAIM( Tratu txarrak jasotako haurren laguntzarako euskal Elkartea)ren   web orria interesgarria iruditu zaigunez blogean jarri dugu.

EGUEN ZURIA PRESTATZEN

Egun hauetan badihardugu gure aratustiak prestatzen: eskulanak, jantziak eta  dantzak .

Oraingo honetan EGUEN ZURIKO kanta prestatu dugu abesteko.

Oier Araolazari eskerrak eman behar dizkiogu ohitura zahar hau ez galtzeko egin duen ahaleginagatik.

Entzun eta abestu gurekin batera.

CIBERBULLYNG, EKIDITZEKO 6 AHOLKU

Gure ikasle eta gaztetxo guztiek Ciberbullyng-aren aurrean tresna gutxi dituzte.

Irakasleen lanaren barruan informazioa eta formazioa zabaltzea ezinbestekoa da.

Pantallas Amigas web gunean material egokia aurkitzen dugu ikasleekin lantzeko.

Oso aproposa izan daiteke familiek gaztetxoekin erabiltzeko eta komentatzeko.

ROALD DAHL IDAZLEAREN MENDEURRENA

Aurten ospatzen da Roald Dahl idazlearen jaiotzaren mendeurrena.

Berak idatzi zituen ipuinen bitartez oso une onak pasatu ditugulako, gure blogean agertzen dugu.

Jolas orduan Charlie eta Txokolate-Lantegia izeneko pelikula ikusi genuen, Dahlek idatzitako ipuinean oinarrituta.

Laister Sorginak pelikula ikusiko dugu.

...ETA KITTO ETA TXIKITTO ERABERRITUTA

...eta Kitto astekariak eta TXIKITTO aldizkariak itxura berriarekin datoz .

Biak aurreko abendutik aurrera digitalean ere aurki ditzakegu,Lehen ...etakitto bakarrik irakur genezake pantailen bitartez. Orain berriz, eskoletako berriak ere papeletik haratago topatzen ditugu. 

Gure blogearen eskuin aldean aldizkari biak ikusi ahal izango ditugu.