TXURI GORRI TA BELTZAK : TRIMESTRE AMAIERAN

Urtero 2. trimestreari bukaera emateko ikasle guztiek lasterka eder batean parte hartzen dute.
Horretarako gela bakoitzeko umeak hiru taldetan banatzen dira: batzuk gorriak, beste batzuk txuriak eta hirugarren taldekoak beltzak izango dira.

Gaurko lasterketan Iturburuko  kolore bakoitzeko haurrak bildu ondoren jolastokiari bira ematen diote. Lehenengo mailatik gora banan banan lekukoa pasatzen dute. Ondoren, nork irabazi? Aurten txuriak izan dira txapeldunak.

KORRIKA: EUSKARAREN FESTA IKASTOLAN

KORRIKA MUNDUAN

Bideo ezberdinetan ikus ahal izan dugu Korrika ez bakarrik Euskal Herrian, munduan zehar ere, zabaltzen dela.

Besteak beste Londreseko kaleetan,  euskaldun talde batek antolatu duen aurtengo Aurre- Korrika,  ikus dezakegu.

Ondorengo bideoan Xangaiko hiritik izan zen Korrikaren inguruko albistea ikus eta entzun dezakegu. 

Beste bideo interesgarri batzuk aurkitzen baditugu txertatuko ditugu gure blogean.

KORRIKA 18

Adi, adi hurbiltzen ari dela Korrika hasteko eguna.

Zain gauden bitartean abestia ikasi eta bere erritmoaz dantzatuko dugu.

Begira zein irudimentsua den bideo-klipa !!

Ikastola hurrengo astean euskaraz-biziko kanpaina korrikari eskeiniko diogu.

EMAKUME LANGILEEN EGUNA

 Aste honetan, ostiralean hain zuzen, emakume langilearen eguna ospatzen denez

bideo polit hau eskeintzen diegu emakume guztiei.

3Cko IKASLE BATZUEN IRAKUR GOMENDIOAK

Ondorengo bideoan 3. mailako ikasle batzuen gustoko ipuinak agertzen dira.

Kamararen aurrean urduri jarri arren,  euren iritziak eta pentsamentuak, era naturalean agertzen dizkigute.

Ipuin berriak irakurtzeko asmoa baldin baduzu, jarrai ditzakezue aholku hauek.

ARATOSTEAK 2013: EGUEN ZURI

Ondoren eguraldiak ez zuen lagundu festa politari amaiera ematen. Hurrengo urtean izan beharko du!!

EKAIN BERRIRA IRTEERA

Gelan lehen gizakiaren gaia aztertuta  eta horren buruzko ipuin, abesti eta jarduerak landu ondoren , azkenean ...

Ostiral honetan 1go mailako talde guztiak Ekain berria ezagutzera joan ziren. Egun ederra izan zuten, eguraldi  oso ona eta ikusteko eta egiteko gauza interesgarriak.

Zestuatik Ekain berrirako pasiada benetan gozatu zuten, Ondoren bertako monitoreekin aintzinako gizakien erara animaliak marraztu zituzten.

Aitzulora sartzea miresgarria izan zen, ilunpetan bertako irudiak poliki-poliki ikusten joan ziren: oreinak, hartzak, eta zaldiak edonon.

 Benetan egun zoragarria eta ikasteko aukera paregabea

IRAKURKETA BIKOTEKA

Bikoteka irakurtzea oso era ona dela ikasteko onartu dute 6. mailako ikasleek.

Gustora eta lasaiago irakurtzen dutela diote binaka daudenean

Irakasleari eddo gela aurrean irakurtzen dutenean askoz ere urduriago jartzen direla diote.

Lagunak irakurketaren akatsak ongi zuzentzen dizkiotela aitortu dute.

Begira zelako arretarekin jarraitzen dute irakurketa ikasleek.

Ondorengo argazkian agertzen dira ikasleek aukeratu dituzten liburu batzuk.

KOKO-MOKOAK ARGATXAN

Begira ze ekintza polita egin duten Argatxako ikastolan Ane Sarasketaren laguntzarekin.

Aratusteak badatozela ta, Eibarren baserriz baserri egiten den ekitaldia, gogoratu dute haurrek dantza eta abestien bitartez.

IPUIN KLASIKOAK: ERRAUSKINE

Opor bueltan eta egun osoan zehar ekintza bereziak antolatzen ditugu Iturburun. Saio berezie horien helburua  euskaran errazago murgiltzea da. Hortik aparte lortzen duguna da ikasle guztiek, era ludikoan eta ondo pasatzen hasi daitezela berriz ere, eskolan.

Liburutegian mailaka hiru  saio burutu genituen. Bertan ERRAUSKINE ipuin klasikoa aitzaki bezala erabiliz ikasleak ilustratzaile bihurtu ziren.

CIBERBULLYING-a EKIDITZEKO MATERIAL INTERESGARRIA

Interneten, sare sozialak eta telefoniaren inguruan sortzen diren ondorio txarren aurrean gure ume eta gazteak hezi beharrean gaude.

Arlo hau oso garrantzitsua da ikasleen heziketan, beraz irakasle nahiz guraso bide ezberdinak erabili beharko ditugu arazoak ekiditzeko.

Gaur Blogean Pantallas Amigas izeneko Bloga aurkezten dugu. Bertan material ugari eta gazteei era erakargarrian aurkeztuta daukagu.

INAUTERIAK HURBILTZEN ARI DIRELA

Inauteriak ospatzeko gutxi falta da. Urtero gure Ikastolan euskal koko jantziekin mozorrotzen gara.

Oso lan handia egiten da ikastolan , eta gurasoen laguntza eta bultzadarekin mailaz maila jantzi ezberdina prestatzen da.

euskal inauteriak

Eguen Zuri egunean Eibarko kaleetatik zehar kalejira koloretsu eta alaia egiten dugu. Bertan Mogel Isasiko ikasleekin  eta gehienetan La Salle Zentroarekin elkartzen gara.

Goiko irudian klikatuz gero mailaka ateratzen dugun pertsonaia zer den eta nola apaintzen dugun irakur dezakezu.

GEOPARKEA BIDEOAN

Gure kostaldea iragartzeko oso bideo egokia egin dute. Bertan Deba, Mutriko eta Zumaia herrien artean hedatzen den Geoparkearen berri ematen da. Gure inguru fisiko eta kultura hobeto ezagutzeko beste bide bat dugu .

HAURREN TXIROTASUNAREN KONTRAKO IPUINAK

La Caixak txirotasunaren kontrako kanpaina martxan jarri du, bertan pertsonaia ezagunak umeei  ipuinak kontatzen dizkiete. Bide honetaz alaitasuna eta irudimena eramaten dizkiete haurrei.

cuentaconmigocontralapobreza.org

Web orri horretan jende ezagunak euren ipuinak ikusi eta entzungo dituzue.

OLENTZEROREN BISITA ITURBURURA

Etxeetara baino lehenago Olentzero  Ikastolara  heldu zaigu .

Ez dakizue zein pozik hartu dugun bere bisita  Iturburun

Kriston emozioa egin digu Urkoko bidetik jeisten ikusi dugunean.

Poliki-poliki jeitsi du aldapa opariz betatako zakuaz.

Harrera hunkigarria egin diogu bere abestia abesten.

Ondoren opariak elkar banatu dituzte: Olentzerok 1 eta 2. mailakoei eta haurrek Olentzerori ere bai.

LIBURU EGOKIEN BILA

Guraso eta familia gehienetan gabon inguru honetan liburu berriak erosten dira.

Merkatuan izugarrizko eskaintza dagoenez, Katalogo eta propuesta ezberdinekin gatoz.

Ondorengo hiru iruditan klikatuz gero eta denporatxo bat hartuta, adin ezberdinentzako ipuin eta materialen artean erabaki dezakezue.

ELKAR Neguko Katalogoa

BEL Gipuzkoako Eskola Liburutegi Blogetik hartuta

POZIK : TTARTTALOREN LIBURU EDERRA

Arrakasta handia izan du gure neska-mutilen artean Ttarttalok argitaratutako liburu honek.

MIES VAN HOUT

Oso egokia izan zaigu arlo ezberdinak lantzeko. Alde batetik sentimentuak eta eurak definitzen dituzten hitzak.

Balio izan zaigu txikiekin irudimena lantzeko eta artista txikiak sentitzeko.

Ikus itzazu adibide ezberdinak.

SARE SOZIALAK HOBETO EZAGUTZEKO

Gure ikasleek sare sozialak  nola eta zertarako erabiltzen dituzten zalantza sarri izaten dugu.

Ondorengo irudian klikatzen badugu Gipuzkoako Foru Aldundiak prestatu duen materiala ikus dezakegu.

Bideo interaktibo honetan mundu horren inguruan oinarrizko gauzak azaltzen dituzte.

Oso era errazean eta ulerkorrean agertzen dira zalantzak, arriskuak, abantailak e.a.

Ikastaro erraz bat bezala antolaturiko material hau gurasoeentzako eskainia dago.

DURANGOKO AZOKA

Asteburu honetan planen artean Durangoko Azoka bisitatzea izaten da. Irudian klikatuz gero Azokako web ofizialean sartzen gara.

BEG blogetik hartuta