ITURBURUKO LIBURUTEGIA

BEGELek 7 URTE BETETZEN DITU

ZORIONAK BEGEL!!! (GIPUZKOAKO ESKOLA LIBURUTEGIAK)

Otsailaren 12an Gipuzkoako Eskola Liburutegiko blogak 7 urte bete zituen. Benetan erabilgarria izan da guretzako bloga. Bertan jaso izan dugu informazio ugari eta gure liburutegian eta blogean erabili ere. Fernando Lenguas, Lasarte-Usurbil BHI institukoko irakaslea izan da lan hau aurrera eraman duena eta gure erreferente hainbat aldiz.
Zorionak eta eskerrak eman behar dizkiogu eta orain bezain ekimentsu jarrai dezala espero.

HAURREI ETA NERABEEI TRATU ONAK

AVAIM( Tratu txarrak jasotako haurren laguntzarako euskal Elkartea)ren web orria interesgarria iruditu zaigunez blogean jarri dugu.

EGUEN ZURIA PRESTATZEN

Egun hauetan badihardugu gure aratustiak prestatzen: eskulanak, jantziak eta dantzak .

Oraingo honetan EGUEN ZURIKO kanta prestatu dugu abesteko.

Oier Araolazari eskerrak eman behar dizkiogu ohitura zahar hau ez galtzeko egin duen ahaleginagatik.

Entzun eta abestu gurekin batera.

CIBERBULLYNG, EKIDITZEKO 6 AHOLKU

Gure ikasle eta gaztetxo guztiek Ciberbullyng-aren aurrean tresna gutxi dituzte.

Irakasleen lanaren barruan informazioa eta formazioa zabaltzea ezinbestekoa da.

Pantallas Amigas web gunean material egokia aurkitzen dugu ikasleekin lantzeko.

Oso aproposa izan daiteke familiek gaztetxoekin erabiltzeko eta komentatzeko.

ROALD DAHL IDAZLEAREN MENDEURRENA

Aurten ospatzen da Roald Dahl idazlearen jaiotzaren mendeurrena.

Berak idatzi zituen ipuinen bitartez oso une onak pasatu ditugulako, gure blogean agertzen dugu.

Jolas orduan Charlie eta Txokolate-Lantegia izeneko pelikula ikusi genuen, Dahlek idatzitako ipuinean oinarrituta.

Laister Sorginak pelikula ikusiko dugu.

...ETA KITTO ETA TXIKITTO ERABERRITUTA

...eta Kitto astekariak eta TXIKITTO aldizkariak itxura berriarekin datoz .

Biak aurreko abendutik aurrera digitalean ere aurki ditzakegu,Lehen ...etakitto bakarrik irakur genezake pantailen bitartez. Orain berriz, eskoletako berriak ere papeletik haratago topatzen ditugu.

Gure blogearen eskuin aldean aldizkari biak ikusi ahal izango ditugu.

2014-2015 IKASTURTEAREN BIDEOA

Aurreko ikasturteko ekintza eta saioen bideoa ikusgai duzue.

ASIER SERRANOK IRUN HIRIA OLERKI SARIA LORTU DU

Asteburuan berri ona jaso dugu Ikastolan.

Asier Serranok Irun Hiria Saria jaso du, Olerki arloan hain zuzen. Lehiaketara aurkeztu zuen olerki bildumak " Ate osteko itzalak" izena darama. Poesia atalean Ramón Crespo izan da irabazlea "Las hojas enfermas" izeneko lanarekin.

Euskarazko eleberri atalean irabazlea Juan Luis Zabala izan da, "Txistu eta biok" lanarekin.

Gaztelerazko eleberrian berriz, saria Ana Muela Parejarentzako izan da, "El falso cuerno del rinoceronte" izeneko eleberriarekin.

Zorionak denei, bereziki Asierrentzat.

ARGATXAKO GABONETAKO JAIALDIA

Atzo Argatxako umeek eurek prestatutako kantu, bertso eta dantzaz gozatzeko aukera izan genuen.

Primeran pasatu genuen. Benetan etorkizuna daukate eszenatokian ederto aritu baitziren.

Zorionak eurei eta irakasleei egindako lan handiagatik.

Jaialdi bukaeran Olentzeroren bisita izan genuen.

DISEINU ERAKUSTALDIA

Azken egunetan liburutegi tailerretan MODELOEN DISEINUAK egiten aritu gara.

Ikaskeak oso gustora aritu dira lan hau egiten. Bakoitzak bere ideiak erakutsi ditu irudi horietan.

Ondoren txotxongilo gisa jarri dituzte modeloak eta beste guztiei azaldu dizkiete jantzi eta estilo ezberdinak.

Ekintza arrakastatsua izan dela esango nuke.

EUSKARAREN EGUNA 2015: EUSKARA AIRERATU

AGUR OSKORRI

40 urtetan aritu da Oskorri taldea abesten euskal kantak.

Hamabostaldi honetan omenaldi txiki bat egingo diogu Liburutegian.

Karaokean dauden abesti batzuk gogoratuko ditugu eta horrela ondo pasatu.

Abestu ezazue zuek ere.

MUNDU HOBEA UME GUZTIENTZAKO

Hemen aurkezten dugun liburu hau oso aproposa iruditzen zaigu umeekin lantzeko.

Alde batetik haurren eskubideak lantzen ditu. Bestetik gure ikasleek, irudi ederren bitartez, uler dezakete pobreziak zein eragin duen haur batzuen bizitzetan.

UME GUZTIEK BAKEA BEHAR DUTE

BAINA BATZUK GUDA BIZI DUTE

Gerra egoera ere gordinik agertzen da liburuan.

1go mailako ikasleek liburua ikusi eta testua entzun ondoren, proposamen ezberdinak egiten dituzte, egoera txar hauek ekiditzeko.

Liburu ederra liburutegi eta etxeetan izateko.

DURANGOKO AZOKA

HERIOTZA ULERTZEKO IPUINEN GIDA

Ermuko Liburutegiaren bitartez eskuratu dugu Ipuin Gida hau.

Umeek sarritan heriotzaren inguruan galdetzen dute. Etxean esperientzia hori bizi izan dutelako edo eurei zalantzak eta bildurrak sortzen zaizkielako. Hori dela-eta aproposa ikusi dut gaur ezagutu dudan gida hau blogean zabaltzea. Irudian klikatuz gero ipuinen zerrenda adinka ikus dezakezue.

Heriotza ulertzeko ipuinen gida. Ermuko Liburutegia

BELDURREZKO HAMABOSTALDIA

Astelehenean beldurrezko hamabostaldiarei hasiera emango diogu.

Sasoi hau erabiliko dugu ipuin eta istorio beldurgarriak entzun, kontatu eta irakurtzeko.

Ikasleen sormena landuko dugu, hainbeste gustatzen zaizkien, ipuin hauen bitartez.

JOSE RAMON SOROIZ GUREN ARTEAN

Iturburuko 5. mailakoek zorte handi izan zuten atzo. Nolabait Liburutegien Eguna ospatzeko era bikaina izan zuten. Gure zentroan Jose Ramón Soroiz izan baitzen. Tramankuluak izeneko Saioarekin irudimenaren eta ipuinen sormenaren inguruan une atseginak pasatu zituzten .