XAKE TXAPELKETAKO IRABAZLEA

Gaur bukatu dugu azken astetan izan dugun Xake txapelketa.

Arrakasta handia izan du eta partaide ugari egon dira, guztira 32 .

Atzo Martin Egiguren eta Martin Telleriak irabazi zuten Mikel Astigarraga eta Xabie Arregiren kontra.

Bikote irabazleak euren arteko lehia izan dute eta irabazlea Martin Egiguren izan da.

Giro polita izan dugu liburutegian partida egon den bitartean.

ZORIONAK DENOI : Partaide eta irabazleei

HELBIDE INTERESGARRIA GURASOENTZAKO

Un futuro brillante empieza con un libro

Gurasoak euren seme-alabekin irakurketa ariketa ezberdinak egiteko edo material berri batzuk eskura izateko, ondorengo helbidean klikatzea komeni zaie.

http://www.rif.org/kids/leer/es/leerhome.htm

Ingeles eta gaztelerazko materiala ikus dezakegu.

Kantuak, ipuinak, hitz-jokoak, e.a. aurkitzen ditugu bertan.

EUSKAL HERRIKO NATURA: Etor-Ostoa argitaletxeko multimedia

Gure Zentroan  Etor-Ostoa argitaletxeak   naturari buruz argitaratu duen materiala eskuratu dugu.

Material hau oso erabilgarria izan daiteke maila guztietan lantzeko.

CD hauen bitartez Euskal Herriko Fauna eta Flora era atseginagoan ikas dezakegu eta.

Gure inguruko ekosistema, paisaia eta klima ikus dezakegu.

NEU NAIZ INDARTSUENA: gaur eguneko alegia

Mario Ramosen "Neu Naiz indartsuena" izeneko liburu ederra 1go mailatik 4. mailara erabili dugu.

Ttarttalo argitaletxeak Hasiera Ziklorako  eskaini  arren, oso egokia izan daiteke beste maila batzutan lantzeko.  Gaur egun alegia nola landu daiteken, esate baterako edo balore ezberdin batzuk ulertzeko.

Ondoren ikus dezakegu 2. mailako irakasleek  egin duten ipuin honen aurkezpena.

Goza ezazue!!

HAUR LIBURUAREN EGUNA

Apirilaren 2an Haur Liburuaren eguna ospatzen da. Egun honetan Hans Christian Andersen ipuingile ospetsua mundu guztian. gogoratzen da .

 Hemen ikusten dugu aurtengo iragarri txartela.

Hainbat Udal Liburutegi eta baita ere Eskola liburutegietan egun honen inguruan ekintza  ugari antolatzen dira.

Gure Liburutegian ere,  data hau aitzaki bezala hartuta  olerkien munduan hurbiltzeko asmoa daukagu.

Pentsatu dugun udaberria sasoi aproposa dela  olerkiak entzun, irakurri eta asmatzeko.

.

3.Bkoek Idatzitako Antzerkitxoak irakurtzen

Antzerkiak idaztea ez da gauza erraza, hortaz ohartu dira 3.Bko lagunak.

Hala ere ipuin klasikoetan oinarrituta antzerkitxo politak egiteko gai izan dira.

Besteak beste: Hiru Txerrikume, Poxpolo Saltzailea, Pinotxo,.. idatzi dituzte.

Antzerkiak ondo irakurtzea ez denez erraza, saiakera batzuk egin ditugu, hobeto irakurtzeko.

5Cko Sukaldariak

5.Cko neska-mutilak ez dira atzean gelditu pintxoak egiteko orduan.

Elikadura gaiari bukaera ederra emateko pintxo ezberdinak aurkeztu dituzte hemen ikusten den bezala.


Euren lanak ikusten argi dago gaia era ezberdinean landu dutela .

Alde batetik elikagai ezberdinen eskemak eta grafikoak egin dituzte.

Baita ere ikus dezakegu errezeten prozedura ikasi eta burutu dutela.

ON EGIN !!

5.Bko ikasleak janarien inguruan ikasten.

Ez da ba lan makala egin dutena 5Bko ikasleek elikagaiak aztezten.

Janariak era ezberdinetan landu dituzte eta.

Lan ezberdinen artean , elikagaien piramidea ezagutu ondoren, irudikatu egin behar izan dute.

Bestetik, eta eurentzako atseginena, pintxoen errezetak idatzi eta gauzatu.Eta jakina azkenean, jan

Hona hemen etorkizuneko "Chef".

Gaur izan dute pintxoak jateko eguna.

5.Akoen ERREZETAK PINTXO BIHURTUTA

Ikusgarri apaindu dute 5.Ako neska-mutilek gela pintxo saioaz gozatzeko.

Txanelak proposatzen dien bezala pintxoen errezetak egin dituzte . Lan hori bukatu ondoren benetazko pintxoak egin, gelakideei erakutsi eta azkenean, onena, pintxoak jan dituzte.

Agian gela honetan "Argiñano txiki"-ren bat irten daiteke.

Erakusketa egin ondoren, hamaikak zirenez, guk eginiko PINTXO MUNDIALAK dastatu ditugu, giro apartaz.

ZORIONAK ASIER: IRUN HIRIKO POESIA SARIA

Asier Serrano, gure irakasleak, IRUN HIRIKO Poesia alorreko Saria jaso du.

Lehiaketa honetara aurkeztu duen poesia liburua "Desterratuen piztiarioa" izan da.

Oso pozik ikusi dugu sariaren berri jakin duenean,nahiz eta lotsati agertu zorionak ematen genizkonean.

XAKE TXAPELKETA

 Liburutegian antolatu dugu xake txapelketa bat.

Oso arrunta ez izan arren , bikoteka egin ditugu partidak. Guztira 15 bikotek eman dute izena.

Begira ezazue zelako arrakasta izan duen txapelketak:

Txapeldunen izenak aditzera emango dizuegu xake txapelketa hau bukatzen dugunean.

IDAZKETAREN DEKALOGOA: Daniel Cassany

Gure zentroan pentsatu dugu idazketari bultzada bat eman behar diogula.

Hori dela eta aurtengo  hobekuntza planean idazketa izango dugu ardatz.


Erabilitako material ezberdinen artean,

Daniel Cassanyk proposatutako dekalogoan oinarrituta,

lantxo hau egin dugu.

6B eta EIBARKO JOKALARIAK, EUSKARAZ ITURBURUN

Otsailak 3an Eibarko lau jokalari Iturburura etorri ziren gurekin batera euskaraz mintzatzera.

Areto guztia apaindu genuen Alex, Xabi, Iraide eta Amaiari ongi-etorria emateko.
Bertso batzurekin harrera eman genien.

Bertso hauek 6.Bkoek asmatu eta abestu zituzten:

KAIXO FUTBOLARIAK

HEMEN GAITUZUE 

ITURBURUKO IKASLE 

ETA IRAKASLE.

HEMENGO HAUR GUZTIAK

GARA FUTBOLZALE

ZUEK BETI ZARETE

GURE IRABAZLE

"Lara lara lala laralarala...

EIBARKOAK ZARETE

MULTIKULTURALAK

DITUZUE  AFRIKAR 

ETA HOLANDARRAK

ZUEK DESKRIBATZEKO 

EZ DITUT PALABRAK

BETI IZANGO ZARETE

GURE EIBARTARRAK
"Lara lara lala laralarala...

Doinua: " Markosek egin eban"

Ondo pasatu genuen galderak eginez eta beraien erantzunak entzunez.

Bukatzeko 6.Akoek agurra abestu zuten bertso bidez.

AIZAK ETA AIZAN ELKARREKIN DANTZAN, 2A ikasleekin

Kaixo irakurle:

Gaur egin dugun ekintzarekin barre txikiak egin dituzte 2.Ako haurrek.

"Aizak eta aizan , elkarrekin dantzan" liburutik ateratako bertsoak irakurri eta barregarriak zirela ikusi dugu.

Aprobetxatuz liburu honetako elkarrizketa barregarriak,  neska-mutilek hau idatzi dute letra ederrez:

-Petra!

-Ipurdian bost letra!

-Joakin!

-Eskolara joan eta batere ez jakin

-Nikolas!

-Jan eta jolas!

-Joxe!

-Beti jan eta beti gose!

ARGATXAN SANTA AGEDA BEZPERAN

Gaur, ohizkoa den moduan, Santa Ageda bezperan neska-mutilak auzoan abesten ibili dira.

Opari moduan Argitxok txokolatea banatu die umeei, baina aurretik ipuin-kontalaria Iturburutik jeitsi da.

Hemen Argatxako ikasleak adi-adi entzuten ikusten ditugu .

Oso gustora entzun dute kontatu zaien ipuina.

Argazkian haurrak  txokolatea eta bizkotxoa jaten ikusten ditugu.

SAN BLAS EGUNA 2.Bko NESKA-MUTILEKIN

Eibarren otsailaren 3an San Blas eguna ospatzen da, aspaldi aspalditik.

2Bko neska-  mutilek lan asko egin dute San Blas eguneko kantua  idazten.

Orain kantua idatziko dugu:

EIBARREN OSPATZEN DA 

SAN BLASAN EGUNA 

GOXO-GOXOA DA TA

ON EGIN DAIGULA.

KANPOTIK ZURIXA DA

BARRUTIK HORIXA 

SANBLAS OPILAK DAUKA

BARRUAN ANISA.

EIBARTARREN  OHITURA 

EZ DAKIT NOIZKUA

UME, ZAHAR ETA GAZTEK

OSPATU DAIGULA.

Eibarko San Andres eliza aurreko haurrak sanblasak bedeinkatzera eramanez.

ARETOKO EKINTZA: ZAINDU DEZAGUN GURE PLANETA

Gaur aretoan kontsumoari eta munduari buruz hitz egin dugu.

Agenda 21ko Ingurumen Batzordekoek saio polita eskaini digute gure munduak jasatzen dituen arazoen inguruan: Diapositiben bitartez ulertu dugu gure planeta zaindu behar dugula, gaixo baitago.

Hona hemen batzordeko 4. mailako kide batzuk, beste batzuen artean gaurko saioa oso ongi prestatu dute.

Aurtengo Agenda 21ko ipuin lehiaketaren irabazleak ere agertu dira iturburuko guztien artean, euren ipuinak irakurtzeko..

Nerea Antxia,  2. mailako ikasleak,  Nawii eta bere  nagusiak ipuina irakurri digu.

 

3. mailako Jon Gorrotxategik, Amazoniako Arbolak izeneko ipuina aurkeztu digu.

 

Olatz Mandiolak, berriz, Maialenen Laguntza txikia izeneko ipuinarekin lortu du ipuin lehiaketan irabazle izatea.

Saioaren bukaeran Plipik,  gure maskotak,  gogoratu digu:

"Lurraren alde, zerbait pentsatu behar dugula"