AIZAK ETA AIZAN ELKARREKIN DANTZAN, 2A ikasleekin

Kaixo irakurle:

Gaur egin dugun ekintzarekin barre txikiak egin dituzte 2.Ako haurrek.

"Aizak eta aizan , elkarrekin dantzan" liburutik ateratako bertsoak irakurri eta barregarriak zirela ikusi dugu.

Aprobetxatuz liburu honetako elkarrizketa barregarriak,  neska-mutilek hau idatzi dute letra ederrez:

-Petra!

-Ipurdian bost letra!

-Joakin!

-Eskolara joan eta batere ez jakin

-Nikolas!

-Jan eta jolas!

-Joxe!

-Beti jan eta beti gose!

ARGATXAN SANTA AGEDA BEZPERAN

Gaur, ohizkoa den moduan, Santa Ageda bezperan neska-mutilak auzoan abesten ibili dira.

Opari moduan Argitxok txokolatea banatu die umeei, baina aurretik ipuin-kontalaria Iturburutik jeitsi da.

Hemen Argatxako ikasleak adi-adi entzuten ikusten ditugu .

Oso gustora entzun dute kontatu zaien ipuina.

Argazkian haurrak  txokolatea eta bizkotxoa jaten ikusten ditugu.

SAN BLAS EGUNA 2.Bko NESKA-MUTILEKIN

Eibarren otsailaren 3an San Blas eguna ospatzen da, aspaldi aspalditik.

2Bko neska-  mutilek lan asko egin dute San Blas eguneko kantua  idazten.

Orain kantua idatziko dugu:

EIBARREN OSPATZEN DA 

SAN BLASAN EGUNA 

GOXO-GOXOA DA TA

ON EGIN DAIGULA.

KANPOTIK ZURIXA DA

BARRUTIK HORIXA 

SANBLAS OPILAK DAUKA

BARRUAN ANISA.

EIBARTARREN  OHITURA 

EZ DAKIT NOIZKUA

UME, ZAHAR ETA GAZTEK

OSPATU DAIGULA.

Eibarko San Andres eliza aurreko haurrak sanblasak bedeinkatzera eramanez.

ARETOKO EKINTZA: ZAINDU DEZAGUN GURE PLANETA

Gaur aretoan kontsumoari eta munduari buruz hitz egin dugu.

Agenda 21ko Ingurumen Batzordekoek saio polita eskaini digute gure munduak jasatzen dituen arazoen inguruan: Diapositiben bitartez ulertu dugu gure planeta zaindu behar dugula, gaixo baitago.

Hona hemen batzordeko 4. mailako kide batzuk, beste batzuen artean gaurko saioa oso ongi prestatu dute.

Aurtengo Agenda 21ko ipuin lehiaketaren irabazleak ere agertu dira iturburuko guztien artean, euren ipuinak irakurtzeko..

Nerea Antxia,  2. mailako ikasleak,  Nawii eta bere  nagusiak ipuina irakurri digu.

 

3. mailako Jon Gorrotxategik, Amazoniako Arbolak izeneko ipuina aurkeztu digu.

 

Olatz Mandiolak, berriz, Maialenen Laguntza txikia izeneko ipuinarekin lortu du ipuin lehiaketan irabazle izatea.

Saioaren bukaeran Plipik,  gure maskotak,  gogoratu digu:

"Lurraren alde, zerbait pentsatu behar dugula"

EIBARKO LIBURUTEGIA: ATZO ETA GAUR

Bideo hau interesgarria iruditu zaigu ikusteko nola aldatu diren liburutegiak azken urtetan.

Kasu honetan Eibarko liburutegiaren aldaketa nabarmena agertzen da.

1996 urte arte Udaletxean zegoen liburutegi zaharra gogoratzeko aukera daukagu, ondoren Portaleako zerbitzu ederra ikusten dugu.

o

IPUIN KONTALARIA JUAN SAN MARTIN LIBURUTEGIAN

Larunbat honetan plan polita izan daiteke ipuin kontalariari entzutera joatea.

Udal liburutegia hilero antolatzen duen ekintza da.

Kartelean ikusten den bezala 3 urtetik gorakoen saio aproposa da.

3.Bko gelakideak BOTILA BATEN HISTORIA irakurtzen

 Gaur 3.Bko neska mutilak liburutegiko saioan   irakurketa ozenari denporatxo bat eman diote .

Horretarako Botila Baten Historia ipuin polita erabili dugu.

Batez ere konturatu dira puntuazio ikurretan (punto, koma, hiru puntu, harridura ikurra, galdera ikurra...)

Ikur hauetaz  beti konturatu arren, irakurketa ozenean indar gehiago eman dizkiete horrela ipuina atseginagoa gelditzeko.

Ez dute ipuina bukatu , beste saioren baten jarraituko dute.

5.Cko gelakoak ipuin klasikoak irakurtzen

Ostiral honetan, ipuin klasiko asko irakurri ditugu: Loti ederra, Alizia lurralde miresgarrian, Aladino, Sirenatxoa...

Iturburuko 4.mailako ikasle  batzuk, irakurritako ipuinak, opari moduan liburutegira ekarri dituzte.

Txikitan irakurritako ipuinak berriro gogoratu ditugu.

Oso politak dira eta irakurtzea gomendatzen dizkizuegu.

GELA IRAKURLEA: 6.A

Hiruhilabetean ez gara gela irakurlea izan.
Trimestre honetan saiatuko gara gehiago irakurtzen:

 -Bakoitzak 2 liburu euskeraz eta beste 2 liburu gazteleraz gutxienez  irakurtzen saiatuko gara.

-Gauzak ikas ditzakegu liburuen bitartez.

-Gure irakurketa hobetzeko komeni zaigu irakurtzea.

Jakin geletako ordenadorean  idazten ditugula irakurritako liburuen izenak.

1. Cko IDAZLETXOAK

Gaur 1go Cko neska mutilek lan polita egin dute Marikapeltxoren inguruan.

Marikapeltxo kopintxoa Olentzerok ekarritako oparia izan zen.

Honen inguruan binaka ipuinak asmatu dituzte.

Adibide bat hemen idazten dugu zuek gozatzeko:

BEHIN BATEAN MARIKAPELTXO MENDIRA JOAN ZEN ETA ILUNTZEN HASI ZEN.

GAUA HELDU ZENEAN KAPELA JAUZI ZITZAION.

GERO ETXERA JOAN ZEN NEGARREZ.

EGUNAK ETA EGUNAK PASATU ZIREN ETA BERRIZ MENDIRA JOAN ZEN.

ORDUAN TXAPELA AURKITU ZUEN.  (Maddi eta Ane)

LIBURU BERRIAK ERAKUSLEIHOAN

Denok gauza berriak ikusteko edo izateko irrikitan gaude .

Kasu honetan liburuak izan dira berriak.

Apaletan jarri aurretik ikasleei aurkezten dizkiegu liburu polit eta atseginak.

Hona hemen banaka batzuk:

JAPONIAKO  KULTURA APUR BAT EZAGUTZEKO:  Kimonos 

Liburu honen bitartez,  jolasean gabiltzala,  ohitura eta kulturaren ezaugarri batzutara hurbildu gaitezke.


Begira zein eskulan politak egin dituzten liburutegi tailarretan Japoniako kulturarekin lotzeko:

Alde batetik kimono ezberdinak diseinatu dituzte.

 Ondoren kimonoaren egilearen izena japoniar grafiarekin idatzi dute Ekain Zarrauari esker.

WIKIREN BISITA ARGITXOREN ASTEAN

Argitxok eskatu zigun bezala Wikiren ipuina kontatu diegu Sansaburuko neska mutilei.

Poz-pozik egon dira Wiki txoria ezagutu dutenean.

Haren historia gustokoa izan dute.

Begira zelako arreta jarri duten bi urtekoek ere bai.

ITURBURUN EGUN BAT EUSKARAZ

Oporretatik bueltan euskararen eguna ospatu genuen, Iturburun.

Egun osoa jolas eta ekintzen artean ibili ginen euskeraz.

 Ikastetxeko toki eta bazter guztiak euskaraz busti genituen.

 Ipuinak entzun eta asmatzeko aukera izan genuen

 Kartel dotoreak egin genituen taldeka.

ALHONDIGAKO MEDIATEKA

Astixa izanez gero joan zaitezte Bilboko Alhondigako Mediatekara.

Han aurkituko duzue TXIKILAND izeneko txokotxo polita eta egokia haurrentzako.

Ez dituzue bakarrik ipuin eta liburu politak aurkituko, baita ere ordenadore eta informatika inguruko material
aproposa.

Bilboko  bisitan ahaztu ezineko gunea.

MANTANGORRIKO DENPORAPASA LEHIAKETA

Aurten ere mantangorri astekariak proposatzen dituen denporapasak aprobetxatuko ditugu.

NOLA? Bikoteka izena emanez.

NOIZ? Jolasorduetan egingo dugu.

NON? Liburutegian, jakina

NORTZUK? 3. mailatik gora, edozeinek izena eman dezake.

MULTIKULTURALITATEA LIBURUTEGIEN BITARTEZ

Euskadiko  liburutegi publikoak eskaintza onak jarri dituzte etorkinak hurbiltzeko: beste hizkuntzetako egunkariak, bideoak, liburuak e.a.

Eibarko liburutegia ere plan horren barruan dago. Bertan aurkitu dezakegu hainbat zerbitzu kanpotarrei zabalduak.

Baina bertakuok ere jakin behar dugu guretzako gauza pila aurki dezakegula: ipuinak, musika, liburuak, giak, internet, ...

LIBURUTEGIAK DENON TOPALEKU

WIKI TXORIA IKASTOLAN

Liburutegi saioa da eta Virginia Wikiren ipuina kontatzen ari zaigu.

Berak txoriaren ipuinak argitaratu ditu.

Wiki ekarriko zuela esan zigun eta horixe egin du. Txoritxoa gurekin dago ikastolan.

Oso ospetsua egin da jende guztia bere inguruan dabil ezagutu nahian.

Polit-polita da gainera, burua horia beltzez zipriztindua eta gorputza hori disdiratsua du

IRAKURLE TALDEAK

Gabonak hasi aurretik talde bakoitzak izan duen  irakurketa ohiturari  begirada bat eman diogu.

Talde batzutan liburu asko irakurri dute, bai euskaraz eta baita ere gazteleraz. Hortik aparte liburutegiko irakurketa isilean asko saiatu dira.



Guzti horregatik IRAKURLE TALDEAK izendatuak izan dira.

Gustora irakurtzen

 Lehenengo eta Bigarren mailako neska mutilak gustora ari dira irakurtzen eta idazten .

Igartzen zaie liburutegi saioetara datozenean asko ikasten dutela  eta zelako gogoa duten gauza berriak ezagutzeko.

Adi adi egoten dira ipuinak entzuten edota irakurtzen.