Ikastolako Maddi eta Manexen aita den Asier Sarasuak egagropilak ezagutzeko material polita bidali digu.
Hori aprobetxatzeko Liburutegian erakusketatxoa egin dugu. Benetan ikasi dugu zer diren "egagropilak": hegaztiek liseritzen ez dituzten janari-pilotak.
Asierrek bere blogean jarri dituen argazkiak eta informazioa ikustea gomendatzen dizuegu.
Erakusketan ere gai honentzako oso aproposa diren liburuak jarri ditugu, besteak beste Asierren Eibarko
Hegaztiak.
6. mailako Garoak azalpen txikitxo baten bidez egagropilak zer diren erakusten digu.
Ez da lehenengo aldia "Pantallas Amigas" webgunearen aipamena egiten dugula.
Irakasle gurasoentzako oso erabilgarria egiten zaigu bertako aholkuak entzutea. Ondoren neska-mutilak jakinen gainean izan daitezen eta Interneten era egokian aritzeko.
Bideo hauetan intimitatea babesteko eta pribatutasuna zaintzeko moduak agertzen dira.
4. mailatik gora ikasleekin landu ditugu istoriotxo hauek.
Oraingo honetan erakusleihora dakargun webgunean sartzen bazarete, ondo pasatzeko material ugari dago.
Bertan eskulanak egiteko proposamenak, jokoak, matematikak ondo pasatzen ikasteko proposamenak, ulermen ariketak, eta abar. Euskaraz ez ezik beste hizkuntzetan ditugun jolas eta ariketak oso aprobetxagarriak dira gure neska mutilentzat.
Erandioko Aida De los Ríos izeneko 12 urteko neskak eginiko turorial pila ekartzen dugu gure blogera.
Gaur bertan ezagutu dugun lan handi hau Talai Bordari Mediatekako Blogari esker aurkitu dugu.
Eredugarria iruditzen zaigu neska honek egindako lana. Bere gustoko eskulanak kamararen aurrean era errazean egiten du edozeinek ikas dezan. Ikustekoak da zein ederto eta lasai azaltzen dituen pauso guztiak.
"DeTodoUnPoco" izeneko kanalak jarraitzale pila du eta bere bideoak sarri ikusita ere.
Egun ederra atzokoa ere. Gure hizkuntzaren eguna ospatzeko hainbat ekintza, bertso eta kantu egin genituen.
Ekitaldi ederra egin genuen goizean aretoan, EUSKERIAK 365 EGUN ITURBURUN esaldia kandelatxoz osatu genuen-eta. Ikasleek letra bakoitza hainbat kandelekin osotu zuten.
Ondoren suaren epeltasunean kantak eta bertsoa bota genuen.
Bezperan ere, saio polita izan genuen Eibar Futbol taldeko Naiara eta Jon Errasti etorri baitziren, euskarari omenaldia egitera. Gogora arazi ziguten eurak ere euskaldunak direla eta gure hizkuntza ahal duten toki eta ekintzetan erabiltzen dutela.
Gaur esperientzia polita azaldu dute 6. mailako ikasle batzuk. Liburutegi tailerrean hainbat saiotan prestatu duten antzerkia egin diete euren gelakideei. Horretarako antzerki gidoia asmatu, idatzi, buruz ikasi, eszenatokia egokitu, jantziak prestatu, ... denatatik egin dute. Azkenean antzerkia egin egin dute.
Ondo pasatzetik aparte asko ikasi dute ikasleek eta baita ere irakasleok.
Hauek izan dira partaideak:
Jon Alonso, Eider Arizmendi, June Arosa, Iker Perez, Naroa Iriondo, Nora Larreategi, Garoa Magunazelaia, Malen Salazar, Paula Taboada, Maialen Entrena eta Garazi Mendieta.
Antzekia ikusi ondoren Karmen Otegi irakasleak REDES programaren bideo bat aholkatu dit, sormenaren garrantziaz. Azpian atxikitu dut, guraso eta irakasleentzako oso interesgarria baita. Mila esker, Karmen.
Azaroaren 20an Haurren Eskubideei buruzko Hitzarmenaren onarpenaren 25.urteurrena ospatuko dugu.
Hitzarmen horrek ekarri dituen aldaketen artean, nabariena haurrak eta nerabeak eskubideen subjetuak direla onartzen da.
Arartekoak hitzarmena zabaltzen laguntzeko asmoz bideo bat egin zuen: Adierazpen-askatasuna eskubidea zer den eta zer eskatzen duen azaltzeko.
Hortik aparte, web gune interesgarri bat bisitatu dezakegu ikasleekin gai garrantzitsu hau lantzeko.
