BELDURREZKO IPUINEN HAMABOSTALDIA

Bihar  BELDURREZKO IPUINEN HAMABOSTALDIA bukatzen dugu . 

 Sasoi hau oso aproposa ikusten dugu beldurrezko ipuinak entzun eta kontatzeko, sorginen inguruko gaiak ikusi eta irakurtzeko.

 Erabiltzen dugun materialen artean  ahotsak.com webgunea dago.

4. mailatik gora Akelarre txiki bat prestatzen dugu Zugarramurdiko Sorginen historia entzuten dugu bitartean.

Beheko mailetan berriz, katu beltzaren ipuina entzuten dugu.

MOZORROAK EGITEKO WEBGUNE ONA

Orain dela hilabete batzuk webgune  hau aurkeztu genizuen.

Gaur gabean mozorrotu edo makilatzeko asmoa baldin baduzu, oso erabilgarria izan daiteke.

MOZORROAK EGITEKO WEBGUNE ONA

980 EUSKAL KANTA KARAOKEAN

Gaur aurkitu dudan altxorra zuei erakutsi nahi dizuet. Sarritan erabili izan dugu "txatxangorria"izeneko daramaten Karaoke kantak. Horretarako Youtubera abiatzen ginen eta abesti batzuk aukeratzen ibili behar izaten ginen.

http://txantxangorria.eu/?page_id=58

Material hau oso aproposa da ikastolan edo etxean erabiltzeko, jaialdi edo gelan ipintzeko, hizkuntza lantzeko edo ondo pasatzeko... 

Ba gaur, Gabi de la Mazak eginiko lana bere blogean,  900 euskal kanta baino gehiago batuta aurkitu dut.

Sarritan erabiliko dugun materiala izango da hau.

EMAN GILTZA : GURASOEI ESKAINITAKO WEBGUNE INTERESGARRIA

Oraingo sarrera hau gurasoei eskeinia  da, bertan seme-alabei euskararen transmisioarako laguntza materiala dago.

Webgune horretan sartuz gero aholku, jolas, azalpen eta abar luze bat aurkituko duzue.

http://ikusietaikasi.net/2013/03/eman-giltza-euskararen-transmisioan-laguntzeko-ataria/

"BAGA, BIGA, HIGA" GURE AKELARRETXOA GIROTZEKO

Sasoi honetan hain ezaguna egin den Halloween jaiak, gure artean  antzerako ohiturak eta usadioak izan ditugula ez dugu ahaztu behar.

Hori aprobetxatuta magia, beldurra eta sorgin inguruko liburuak jarri ditugu eskuragarri liburutegian.

Mikel Laboaren "Baga, Biga, Higa"  entzun dugu Akelarre giroa jartzeko.

Gozatu!!

PERRETXIKO ERAKUSKETA TXIKIA

Atzo Toribio Etxeberria kalean egon zen erakusketa aprobetxatuz, gure liburutegian ere,  hango perretxiku eta fitxak jarri ditugu.

Erakusketan  Eibarko "Club Deportivo"-ko taldeak lan handia egin zuen ekintza antolatzen: onddo eta perretxikuak batu, klasifikatu, haurrentzako lehiaketa antolatu, erakusketa jarri, e.a.

Bereziki eskerrak eman behar dizkiogu   " Club Deportivo"ko Egoitz Elduayeni  (Izaron aita)  Iturburura material hau ekartzeagatik.
Ikasleek interes handia jartzen dute perretxiko ezberdinak ikusten, batez ere pozointsua zeintzuk diren jakiten.

                                                             

Perretxiko biltzaileen gidaliburua.

IRIGOIENEN ERAKUSKETAN 6.MAILAKOAK

Aurreko ostiralean 6.mailako neska-mutilak Irigoienen erakusketa ikustera joan ziren.

Portaleako erakusketan, Irigoienek argazkilaritzan eginiko ekarpena agirian dago.

Gure ikasleak gustora abiatu ziren oinez Eibarrera, gelako lana alde batera utzita erakusketa eder hau ikustera.

Agian, bertan, geletan baino gehiago ikasi zuten. Ea gazte talde honetatik irtetzen zaigun Irigoienen jarraitzaile bat.

ZER NOLA: ZIENTZIARA HURBILTZEKO ERA DIBERTIGARRIA

Elhuyarrek sarean gaztetxoentzako jarri duen aukera paregabea dugu hau, ZER NOLA.

Bertan esperimentuak, berriak, bitxikeriak, jokuak e.a. aurkitzen ditugu.

Interesez jarraitzen badituzu teknologia, zientzia eta esperimentuen mundua;  klikatu irudian eta ez zara damutuko.

HATZ-MARKAK LIBURUA: IDEIA SORTZAILEA

HATZ-MARKAK Marrazteko Liburuak; Ed Emberley,  erakusten duen teknika jarraituz, udazkeneko eskulan irudimentsuak egin ditugu.

Gure hatzak koloreetako klarionekin zikindu eta gero kartulina beltzetan naturako irudi ezberdinak egin ditugu.

Lan hauek egiteko liburutegi tailerrak aprobetxatu ditugu. Ikasleek benetan gozatu  dute eta ikus itzazue zelako emaitzak lortu ditugun.

                                                       

                                                       

                                                          

FAMILIENTZAKO WEB INTERESGARRIA

Guraso eta irakasleentzako web interesgarri hau   aurkitu dut,  Padres o Nones izenekoa.

Bertan aisialdirako ekintzak eta propuestak ematen ditu, hezkuntza inguruko hainbat berri, osasuna eta elikaduraren atalak ere aurki daitezke. 

Beraz haurren heziketarako ondo datozen hainbat eta hainbat artikulu eta komentario daude .

Aprobetxatu dezagun internetek ematen digun eskaintza zabal hau.

1GO MAILAKOAK IPUIN KONTALARIAK

Begira itzazue 1go mailakoak Midas Erregearen ipuina, euren laguntxoei, kontatzen.

Hasieran, arreta handiarekin, Midas Erregearen historia entzun dute, lehenengo aldiz .

Ondoren gai izan dira gelakoei ipuina berriz azaltzeko.

Ariketa polita ipuina gogoratzeko eta, baita ere,  mintzamena lantzeko.

ARRATEKO TXANGOA :EGUN ZORAGARRIA

Benetan egun ederra igaro genuen atzokoan.

Eguraldia lagun, talde guztiek oinez igo ziren Arratera.

Batzuk Eibartik hasita, Orbetik gora egin zuten, hain zuzen Erdi eta Goi-Zikloko neska mutilak,  azkar igo gainera.

Txikitxuak, berriz, Ixuaraino autobusez igo ondoren Kalamuako maldatik  Arratera joan ziren.

Gosetuta  heldu ginen eta ogitartekoak gustora jan ere.

Ondoren, ez zegoen aspertzeko astirik: harrapaketara jolastu, poliziak eta lapurrak, goman, txabolak eraikitzera, pilotan... danetik egin zuten.

Ordua heldutakoan nagusienak berriz be Orbeko bidea hartu zuten eta beste guztiek autobusez etxera.

Gehienek atzoko irteera ahaztu ezinezkoa izango dute.

ANIMALIEN HISTORIA HUNKIGARRIA

Dagoenekoz eguerdiko liburutegi tailerretan hasi gara.

Lehenengo eguna bezala Hartz eta Pumaren arteko historia hunkigarri hau ikusi dugu. Ikasleek asko gozatu dute irudiekin. Baina hortik aparte sentitu dituzten emozioez hitz egin dute: pena, beldurra, urduritasuna, maitasuna, alaitasuna... Irudien edertasunek ere komentario ugari sortu dituzte.
Era honetako materiala benetan baliogarria da  ikasleekin gozatzeko. Mogel Isasiko liburutegiko blogean aurkitu genuen bideoa.

ZINEMA EUSKARAZ

Hainbat pelikula ikusteko aukera daukagu beheko irudian klikatuz gero.

Aprobetxa dezagun eta joan ikusten gustokoak

http://www.eitb.com/eu/kultura/zinema-euskaraz/

LIBURUTEGI TAILERRAK: TXANDAK ETA ORDUAK

Datorren astean Liburutegi Tailerrarekin hasiko gara.

Behean jarri dugu Ordu eta Txanden taula.

LIBURUTEGI TAILERRAK TXANDAK ETA ORDUAK
ORDUTEGIA	ASTELEHENA	ASTEARTEA	ASTEAZKENA	OSTEGUNA	OSTIRALA
12:30-13:00			5.A/5.B/6.		5.C
13:00-13:30	3.B	3.A	3.C	4.A/4.B	4.C
13:30-14:00	2.B	1.A/1.B *	2.C	1.C/1.B*	2.A

* Talde hauekin  abenduan hasiko gara 

UDAZKEN KOLORETAN:

Plaentxiko eskolako Xirakur  Liburutegi blogetik  bideo eder hau hartu  dugu. Ideia ona iruditu zaigu Udazkenari Benito Lertxundiren musika eta ahotsarekin hasiera ematea. 

Eskerrik asko Mariasun 

MARIMAISTRA EZAGUTU DUGU

Gaur 5.mailakoekin Marimaistraren Bloga ezagutu dugu. Ondo pasatu dute bere erantzun eta kontuekin

http://blogak.goiena.net/marimaistra/

Hori dela eta pentsatu dugu guk ere galdera edo zalantza batzuk bidaltzea.

Aprobetxatuko dugu Twitter kontua berarekin harremanatzeko.

NABAR: HARTZ IPUIN KONTALARIA

Talaia Bordari Mediatekako Blogari esker webgune hau ezagutu dugu. Oso ona iruditu zaigu ipuin pila batera atea irekitzen digulako. Alde batetik kontutan izan behar dugu 7 hizkuntzatan agertzen direla ipuinak, bestetik formatu ezberdinetan ere bai.

1GO MAILAKOAK LIBURUTEGIAN

Gaur hasi dira 1-Akoak , Maixu Jesus Mariren laguntzarekin,  liburutegira etortzen.

Argazkian agertzen diren bezala ilusioz beteta etorri dira bertako "Magiaz" gozatzera.

Hasieran MIKELEN  IPUINA entzun dute, ondoren Alfabetoaren abestia   abestu dute  eta bukatzeko "Bokalen Kanta" ikasi dute.

Maixu Jesus Mariren Ikasleak

Aste honetan beste 1go mailako gelakoen bisita izango dugu liburutegian , argazkiak txertatzen joango gara.

Andereño Virginiaren Ikasleak

IKASTURTEKO LEHEN EGUNA

URAK DAKARRENA: TOTI MARTINEZ DE LEZEA

Uda honetan Toti Martinez de Lezearen Urak Dakarrena liburua irakurtzen  une ederrak eman ditut.
Ipuin bilduma honetan idazleak euskal emakumeen memoria berreskuratzen du. Bertan hogeita hamabost kondairen bitartez Baionatik Muskiraino istoria ezberdin asko kontatzen dizkigu.

Urak dakarrena

Kondaira guztien artean 3 gogoratzen ditut bereziki:

• "Praileaitzeko Andre Jakintsua" Gure bailadan kokatuta dagoen Praileaitzeko emakume bereziaren inguruko istorioa. 
• "Kastitate Gerrikoa". Istoria harrigarria antzinako emakumeen sexualitatea agerian uzten duena.
• "Saminaren Oroitzapena" Saturrarango presondegian gerran bizi izandako testigantza gogorra.

Kontaketa guztietan emakumeak dira nagusi eta gutxitan azaldutako  gertaerak eta ikuspegia era atseginean irakur ditzakegu.

Liburu aproposa izan daiteke bigarren hezkuntzan irakurtzeko, horrela ikasleek Euskal Herriko  historian murgildu daitezke erraz eta gozatzen.

Eskerrak eman behar dizkiot nire lankide eta laguna den Izaskun Mazari  liburu honetara hurbildu nauelako .

LANEAN HASI BAINO LEHEN BIDEO INTERESGARRIA

SAN JUANETAKO DANBORRADAN IKASTOLAKO PARTAIDETZA

AZKEN EGUNEKO JAIALDIA

SAN JUAN SUA ITURBURUN

TXANELAKO AURKEZPENA 2.MAILAKOEI

Gaur 6.Bko ikasleek txikiei aurkeztu behar diete zenbat gauza polit ikasiko dituzten hurrengo urteetan.

TILDEEKIN JOLASEAN

Tildeak ondo jartzen ikastea ez da urte baten lortzen den  konpetentzia .

kasleek hainbat urte behar dute hitzetan tildeak  behar bezala jartzeko.

Eroski Consumer aldizkarian Artikulo honetan programa ezberdinak aurkezten dituzte.

Opor garaian ere bai,  haurrek era honetako jolasak  fitxak baino gustorago egin ditzakete

Horregatik interesgarria iruditu zaigu errekurtso hau agertzea.

Irudi gainean klikatuz gero sareko  jolas eta programa batzuk  aurkituko ditugu.

Eroski Consumer Aldizkaritik aterata

ESKULANEKIN JARRAITZEN

 Ikasturtean zehar, txanelako proiektuekin lotuta, eskulan pila egiten dute ikasleek.

Beheko argazkietan laburpen txiki bat egin dugu .

1.mailako hormirudia

1. mailako erromatarren eraikuntza

2. mailako hormirudia

2.mailako hormirudia

3. mailako eskulana

3. mailako ekosistema hormirudia

4.mailako eskulana

4. mailako collagea

5.mailako zirkulazio-aparatuaren eskulana

5.mailako nerbio-sistemaren eskulana

ESKULAN BIKAINAK ITURBURUN

Urtean zehar hainbat eskulan egiten da ikastolan. Maila bakoitzak bere lan eta irudimena agertzen dute eskolako horma eta baztarretan.

6. mailako azken hilabeteko eskulanak

 Ikastolatik kanpo ere bai gure ikasleek parte hartzen dute herriko lehiaketa eta ekintzetan.

Aurtengo San Juanetako kartel lehiaketan; 11 eta 14 urte bitarteko atalean, 6. mailako Iker Arginzoniz irabazle irten da, "Supean" izeneko kartelarekin.

Iker Arginzoniz San Juanetako kartel lehiaketako irabazlea

San Juanetako kartel irabazleak

ETXERAKO LANAK: LARREGIKOAK OTE DIRA?

Eroski Consumer aldizkarian artikulo interesgarri asko aurkitzen dugu. Atalen artean Hezkuntza Arloari eskainia sarritan irakurtzen dugu.

Beheko irudietan klikatuz gero etxerako lanen inguruan dauden eritzi eta azterketa ezberdinak irakur ditzakegu.

Euskarazko artikulua

Artikulu biak jarri ditugu ikuspegi ezberdinak ematen dituztelako.

Gaztelaniazko artikulua

"IRENE" LABURMETRAIA: IRAKURKETA ETA IRUDIMENA

Xirakur Soraluzeko Eskolako Blogean  Bideo hunkigarri hau ikusi dugu.

Dominikar Errepublikan aurten antolatutako Liburu Azokan irabazle irten zen laburmetraia hau. Irene izeneko pelikula honen egilea Alejandro Hiraldo da.Bertan irakurketa, irudimenaren bitartez; beste mundu batera eramateko balio duela, ikusten da.